የተጣሩ መረጃዎች

ምስሉ በሱዳን ጦር የተያዙ የኢትዮጵያ ወታደሮችን ያሳያል?

በ28 ታህሳስ 2013 ዓ.ም Tigray Defence Force በሚል ስያሜ የተከፈተውና ከ16,000 በላይ ተከታዮች ያሉት ገጽ በሱዳን ወታደሮች ላይ ወታደራዊ ጥቃት ሲያካሂዱ የነበሩ የኢትዮጵያ ወታደሮች በሱዳን ወታደሮች ቁጥጥር ስር ውለዋል በሚል በርካታ ወታደሮችን እና ታንኮችን የሚያሳይ ምስል አጋርቷል። በትግርኛ እና በእንግሊዝኛ የተፃፈው ጽሑፍ “በሁለት ግንባሮች ጥቃት ከፍቶ የሱዳንን ድንበር አቋርጦ የወጣውን ወራሪውን የኢትዮጵያ የመከላከያ ሰራዊት የሱዳን ጦር በቁጥጥር ስር አውሏል” ሲል ይነበባል። ሆኖም ሀቅቼክ መረጃውን መርምሮ ከዚህ በታች ያለው ምስል በሱዳን ጦር በኢትዮ-ሱዳን ድንበር የተያዙትን የኢትዮጵያ ወታደሮችን የሚያሳይ ባለመሆኑ እና ልጥፉ ትክክለኛ ያልሆነ ምስል በመጠቀሙ ሀሰት መሆኑን አረጋግጧል። 

 

በኢትዮ-ሱዳን ድንበር ዙሪያ በሁለቱ ሃገራት መካከል ግጭቶች መኖሩ እውነት ነው። የሱዳን ጦር በአል ገዳሪፍ፣ በሰላም ቢር እና ማሃጅ አካባቢዎችን ከኢትዮጵያ ጦር እና ከታጠቁ ሚሊሻዎች ማስመለስ መቻላቸውን መግለፁ የሚታወስ ነው። በተጨማሪም በ28 ታህሳስ 2013 ዓ.ም የሱዳን የውጭ ጉዳይ ሚኒስትር ኦማር ካማረዲን በኢትዮጵያ አርሶ አደሮች የተወሰዱትን በኢትዮ-ሱዳን ድንበር ዙሪያ ያሉ ሁሉንም ግዛቶች መቆጣጠሩን አክለው መግለፃቸው ይታወሳል። ይህ በእንዲህ እንዳለ ሀገራቱ ጉዳዩን ለመፍታት እና ድንበሩ ለማካለል ድርድር እያደረጉ እንደቆዩም የሚታወቅ ነው፡፡

ሆኖም ሪቨርስ ኢሜጅ የተባለ የምስል ማጣሪያ እንደሚያሳየው በፌስቡክ ልጥፉ ላይ ጥቅም ላይ የዋለው ምስል ለመጀመሪያ ጊዜ የተለቀቀው 9 ታህሳስ 2013 ዓ.ም በሐዋር ዜና አገልግሎት ሲሆን የሱዳን ጦር በኢትዮ-ሱዳን ድንበር አካባቢ ያሉትን የአቡ ቶዮር ተራራን ጨምሮ ሁሉንም ግዛቶች ተቆጣጥሯል ከሚል ጽሑፍ ጋር ተያይዞ ነበር በወቅቱ የወጣው። ዋናው ጽሑፍ ግን ስለ ምስሉ ምንም ዓይነት መግለጫ የለውም ወይም በምስሉ ውስጥ ያሉ ሰዎች እነማን እንደሆኑ አይናገርም።

በድንበር አካባቢዎች በኢትዮጵያ እና በሱዳን ኃይሎች መካከል ግጭቶች መኖራቸው እውነት ነው። ሆኖም ሀቅቼክ የፌስቡክ ልጥፉን መርምሮ ምስሉ በድንበር አካባቢ ባለው ግጭት ወቅት በሱዳን ጦር የተያዙ የኢትዮጵያ ወታደሮችን እንደማያሳይ እና ትክክለኛ ያልሆነ ምስል በመጠቀሙ ሀሰት መሆኑን አረጋግጧል።

አጣሪ፡ ሓጎስ ገብረአምላኽ

ተርጓሚ፡ ርሆቦት አያሌው

አርታኢ፡ ብሩክ ነጋሽ

ይህ ፅሑፍ በአዲስ ዘይቤ የምርምርና ተቋም ግንባታ ቢሮ (Addis Zeybe Research & Development Department) በሚመራው ፤ ሀቅቼክ የተዘጋጀ ሲሆን ሀቅቼክ በአምስት ቋንቋዎች (አማርኛ፣ ኦሮምኛ፣ ትግርኛ፣ ሶማልኛ እና እንግሊዘኛ ቋንቋዎች) እየተዘጋጀ የሚቀርብ የተለያዩ መረጃዎችን ሀቅነት የሚመረምር የአዲስ ዘይቤ መርሀ ግብር ነው። 

በምስሉ ላይ የሚታዩት አልጋቸውን ይዘው ወደ ምሽጉ የመጡ የሱዳን ወታደሮችን ናቸው?

በ 27 ታህሳስ 2013 ዓ.ም Selam Nkulu (ሰላም ንኩሉ) በተባለ ከ3,500 በላይ ጓደኞቻቸው ባሉት የፌስቡክ ተጠቃሚ በድንበር አካባቢ በኢትዮጵያ እና በሱዳን መካከል በተካሄደው ግጭት ወቅት አነስተኛ ምሽግ ውስጥ ምግብ እና የመኝታ ቁሳቁሶች ይዘው የወጡ ወታደሮችን የሚያሳይ ነው በማለት አንድ ምስል አጋርቷል። በትግርኛ የተፃፈው ጽሑፍ “የሱዳን ወታደሮች አልጋቸውን ይዘው ወደ ምሽግ መጡ። ሻዕቢያ (ኤርትራ) እና የፎጣ ለባሾች (የአማራ ክልል ኃይሎች) ካዩ ዛሬ ውጊያው ሊጀምሩ ይችላሉ። ኦህህ እናንተ ሱዳኖች ቁጭ ብላቹ በምግቡ ተደሰቱ” ሲል ይነበባል። ሆኖም ሀቅቼክ ባደረገው ማጣራት ከዚህ በታች ያለው ምስል ከኢትዮ-ሱዳን ድንበር ግጭት ጋር ምንም ግንኙነት እንደሌለው እና ልጥፉ ስላቅ እንደሆነ አረጋግጧል። 

በኢትዮ-ሱዳን ድንበር ዙሪያ ግጭቶች መኖራቸው እውነት ነው። በ11 ታህሳስ 2013 ዓ.ም የሱዳን የውጭ ጉዳይ ሚኒስትር ኦማር ካማረዲን በኢትዮጵያ አርሶ አደሮች ስር የነበረውን የኢትዮ-ሱዳን ድንበር ዙሪያ ያሉትን ሁሉንም ግዛቶች የሱዳን ጦር ሙሉ በሙሉ መቆጣጠሩን አስታውቀዋል። በድንበር አካባቢ በተፈጠረው ግጭት ሱዳን ወታደሮችን ወደ ድንበሩ አካባቢዎች እያሰማራች መሆኗን የተለያዩ ዘገባዎች አውጥተዋል። የኢትዮጵያ ውጭ ጉዳይ ሚኒስቴር ቃል አቀባይ አምባሳደር ዲና ሙፍቲ በ9 ታህሳስ 2013 ዓ.ም በሰጡት ጋዜጣዊ መግለጫ እንዳስታወቁት ከ30 ጥቅምት 2013 ዓ.ም ጀምሮ በሱዳን ወታደራዊ ኃይሎች ከባድ መሳሪያዎችን በመጠቀም የተደራጁ ጥቃቶች ነበሩ። የኢትዮጵያ አርሶ አደሮች የግብርና ምርቶች ተዘርፈዋል፣ ካምፖች ተሰብረዋል፣ አርሶ አደሮች የራሳቸውን እርሻ እንዳያጭዱ ተስተጓጉለዋል እንዲሁም በርካታ ዜጎች ተገድለዋል፤ ቆስለዋል ብለዋል። ሁለቱ ወገኖች ሪፖርታቸውን ለሁለቱ አገራት አመራሮች ለማቅረብ የተስማሙ እና የጋራ መግለጫ ያወጡ ሲሆን የድንበር ማካለል ስራው በፍጥነት እንዲጀመር ወስነዋል።

ሆኖም ሪቨርስ ኢሜጅ የተባለው የምስል ማጣሪያ፣ የፌስቡክ ልጥፉ ላይ ጥቅም ላይ የዋለው ምስል በቅርቡ በኢትዮጵያ እና በሱዳን ኃይሎች መካከል የተፈጠረው ግጭት አለመሆኑን ያሳያል። ምስሉ ለመጀመሪያ ጊዜ ጥቅም ላይ የዋለው 22 ግንቦት 2012 ዓ.ም በፌስቡክ ላይ ሲሆን የተለቀቀውም “በጠረፍ ድንበሮች በኢትዮጵያ እና በሱዳን ወታደሮች መካከል ግጭት ተቀሰቀሰ” ከሚል ጽሑፍ ጋር ነበር።

 

ድንበር አካባቢ በኢትዮጵያ እና በሱዳን ኃይሎች መካከል ግጭቶች መከሰታቸው እውነት ነው። ሆኖም ሀቅቼክ ባደረገው ማጣራት በምሽግ ውስጥ የመኝታ ቁሳቁሶችን እና ምግብ ይዘው የሚታዩትን ወታደሮች የሚያሳየው ይህ ምስል ከቅርብ ጊዜ ወዲህ በሱዳን እና በኢትዮጵያ መካከል ከተፈጠረው ግጭት ጋር እንደማይገናኝ እና የፌስቡክ ልጥፉ ስላቅ መሆኑን አረጋግጧል።

አጣሪ፡ ሓጎስ ገብረአምላኽ

ተርጓሚ፡ ርሆቦት አያሌው

አርታኢ፡ ብሩክ ነጋሽ

ይህ ፅሑፍ በአዲስ ዘይቤ የምርምርና ተቋም ግንባታ ቢሮ (Addis Zeybe Research & Development Department) በሚመራው ፤ ሀቅቼክ የተዘጋጀ ሲሆን ሀቅቼክ በአምስት ቋንቋዎች (አማርኛ፣ ኦሮምኛ፣ ትግርኛ፣ ሶማልኛ እና እንግሊዘኛ ቋንቋዎች) እየተዘጋጀ የሚቀርብ የተለያዩ መረጃዎችን ሀቅነት የሚመረምር የአዲስ ዘይቤ መርሀ ግብር ነው። 

ምስሉ ከአዲግራት ጥሕሎ የዘረፈውን የኤርትራ ወታደር ያሳያል?

ታህሳስ 21 ቀን 2013 ዓ.ም Tirhas Tesfay የተሰኘ የፌስቡክ አካውንት በፌስቡክ ገጹ ላይ ከዚህ በታች ያለውን ምስል አንድ የኤርትራ ወታደር ከአዲግራት ጥሕሎ ሰረቀ ከሚል ጽሁፉ ጋር አያይዞ በፌስቡክ ልጥፉ አጋርቷል። በትግርኛ የተፃፈው የፌስቡክ ጽሁፍ “ሰበር ዜና: አንድ የኤርትራ ወታደር ከአዲግራት ጥሕሎ ሲሰርቅ በአይኔ አይቻለሁ” ይላል። ጥሕሎ ከገብስ ዱቄት የሚሰራ በሰሜን ምስራቅ የትግራይ ክፍልና በደቡብ ኤርትራ የሚዘወተር ባህላዊ ምግብ ነው። ልጥፉ በፌስቡክ ማህበራዊ ሚዲያ ላይ በከፍተኛ ሁኔታ ተሰራጭቶ ምስሉ እስከተጣራበት ጊዜ ድረስ 184 የፌስቡክ ተጠቃሚዎች አጋርተውታል። ሀቅቼክ ልጥፉን ከመረመረ በኋላ ምስሉ ከአዲግራት ጥሕሎ የሰረቀ የኤርትራ ወታደርን እንደማያሳይ አረጋግጧል። በመሆኑም የፌስቡክ ልጥፉን ስላቅ በማለት ፈርጆታል።

በትግራይ ክልል ከጥቅምት 25 ቀን 2013 ዓ.ም አንስቶ በህወሃት በሚመራው የታጠቁ የክልል ኃይሎችና በፌደራል  መንግስት በሚመሩ ኃይሎች መካከል ጦርነት ተካሂዷል። የክልሉን አለመረጋጋት ተከትሎ የጠቅላይ ሚኒስትር አብይ አህመድ አስተዳደርን በመደገፍ የኤርትራ ወታደሮች በጦርነቱ ላይ ተሳታፊነት እንደነበራቸው የሚገልፁ የተለያዩ ክሶች እና ያልተረጋገጡ ሪፖርቶች ቀርበዋል። በተጨማሪም ብዙዎች በጦርነቱ ወቅት የኤርትራ ወታደሮች በትግራይ ክልል ውስጥ ዘረፋ እያካሄዱ እንደሚገኙ ይገልጻሉ።

ይህ በእንዲህ እንዳለ በምስሉ ላይ የሚታየው ሰው ከአዲግራት ጥሕሎ የሰረቀ ኤርትራዊ ወታደር እንደሆነ የሚገልፅ አንድ የፌስቡክ ልጥፍ ብቅ ብሏል። ሆኖም ሪቨርስ ኢሜጅ የምስል መመርመሪያ ዘዴን በመጠቀም የምስሉ አመጣጥ ሲጣራ ምስሉ ለመጀመሪያ ጊዜ የታተመው ናይሮቢ ኒውስ  Nairobi News በተባለ የኬኒያ የዜና እና የመገናኛ ብዙሃን ተቋም መሆኑ ታውቋል። በምስሉ ላይ የሚታየው ሰው (ፎቶ አንሺ ኤቫንስ ሀቢል) የኬኒያ መንግስት  በናይሮቢ ከተማ የተገነቡ  ህገወጥ ቤቶችን በሚያፈርስበት ወቅት ከመኖሪያ ቤቱ ኡጋሊ  (የኬንያ ገንፎ) ያዳነ አንድ የኬንያ ዜጋ ነው። በ Nairobi News  ላይ የታተመው የሰውየውን ታሪክ በሚከተለው ማስፈንጠሪያ ማግኘት ይቻላል።

  

ይህ የፌስቡክ ጽሁፉ በወጣበት ወቅት በትግራይ ክልል በነበረው ግጭት የኤርትራ ጦር በጦርነቱ ላይ ተሳታፊ እንደነበረና በርካታ ዘረፋዎችም እንደነበሩ የሚገልጹ የተለያዩ ክሶችና ያልተረጋገጡ ሪፖርቶች ሲቀርቡ ነበር። ነገር ግን ሀቅቼክ ምስሉን ከመረመረ በኋላ የፌስቡክ ጽሁፉ ላይ እንደተገለፀው የኤርትራ ወታደር ከአዲግራት ጥሕሎ ሲሰርቅ የሚያሳይ ምስል እንዳልሆነ አረጋግጧል። ስለዚህ የፌስቡክ ጽሁፉ ምስሉን በተሳሳተ መንገድ በማቅረቡ ስላቅ ተብሎ ተፈርጇል። 

አጣሪ: ሓጎስ ገብረኣምላኽ

አርታኢ: ብሩክ ነጋሽ ጠዕመ

ተርጓሚ፡ ቤዛዊት መስፍን

ይህ ፅሑፍ በአዲስ ዘይቤ የምርምርና ተቋም ግንባታ ቢሮ (Addis Zeybe Research & Development Department) በሚመራው ፤ ሀቅቼክ የተዘጋጀ ሲሆን ሀቅቼክ በአምስት ቋንቋዎች (አማርኛ፣ ኦሮምኛ፣ ትግርኛ፣ ሶማልኛ እና እንግሊዘኛ ቋንቋዎች) እየተዘጋጀ የሚቀርብ የተለያዩ መረጃዎችን ሀቅነት የሚመረምር የአዲስ ዘይቤ መርሀ ግብር ነው። 

ምስሉ በትግራይ ውስጥ በተፈጠረው ግጭት አራተኛውን የኢትዮጵያ መከላከያ ሰራዊት ብርጌድ ያጠፋውን ኃይል ያሳያል?

በ21 ታህሳስ 2013 ዓ.ም Mahder Kiya ማህደር ቅያ የተባለ (ከ10,000 በላይ ተከታዮች ያሉት) አንድ የፌስቡክ ተጠቃሚ ከዚህ በታች ያለውን የአንድ ኦራል የጭነት መኪና እና አንድ ወታደር ምስል በህወሃት የሚመራው ኃይል ከአድዋ ወደ ሀውዜን ሲጓዝ  አንድ የፌደራል መከላከያ ሰራዊት ብርጌድ ደምሷል ከሚል ፅሁፍ ጋር አጋርቷል። በትግርኛ የተፃፈው ፅሁፍ “…የ 33 ኛው ክፍለ ጦር ከአድዋ ወደ ሃውዜን በእዳጋ አርቢ በኩል ሲጓዝ በነበረ ሀይል ተመቶ ሙሉ በሙሉ አድብቶ 144 ወታደሮች እና ሁሉም የጦር መኮንኖች ተያዙ…” ሲል ይነበባል። ሆኖም ሀቅቼክ ጉዳዩን መርምሮ ምስሉ ትግራይ ውስጥ በተፈጠረው ግጭት አራተኛውን የኢትዮጵያ መከላከያ ሰራዊትን ያጠፋውን በህወሃት የሚመራ ሃይል የማያሳይ በመሆኑ እና ምንም ግንኙነት እንደሌለው በማረጋገጡ መረጃውን ሀሰት ሲል ፈርጆታል።

ከ28 ጥቅምት 2013 ዓ.ም ጀምሮ በፌዴራል መንግስት እና በህወሃት በሚመራው የትግራይ ልዩ የፖሊስ ኃይል እና ሚሊሻ መካከል በትግራይ ክልል ውስጥ ግጭት መከሰቱ እውነት ነው። የፌዴራል መንግሥት ጦርነቱ መጠናቀቁን እና ቀጣዩ እርምጃ የህውሃት አመራሮችን አድኖ ማግኘት መሆኑን ቢናገርም፤ በፌዴራልና በክልል ኃይሎች መካከል ያለው ጦርነት አሁንም እንደቀጠለ ያልተረጋገጡ መረጃዎች እየወጡ ይገኛሉ።

ሆኖም ሪቨርስ ኢሜጅ የተባለ የምስል ማጣሪያ እንደሚያመለክተው ምስሉ የአራተኛውን ብርጌድ ወታደሮች እና የጦር መሳሪያዎች መያዛቸውን አያሳይም። ምስሉ ለመጀመሪያ ጊዜ ታትሞ የወጣው ህውሓት ሀወልቲ በተባለ የፌስቡክ ገጽ 1 ህዳር 2013 ዓ.ም ሲሆን ትግራይ ከቀደሙት ጊዜያት በተለየ ዘመናዊ የጦር መሣሪያ የታጠቀች መሆኑንና በትግራይ ላይ ጦርነት ለማካሄድ በሚደፍሩ ጠላቶች ላይ ድል አድራጊ ይሆናል ከሚል ፁሁፍ ጋር ነበር በወቅቱ የተለቀቀው። 

ብመሆኑም በፌዴራል እና በትግራይ ክልል ኃይሎች መካከል የተደረገው ጦርነት አሁንም እንደቀጠለ ያልተረጋገጡ ዘገባዎች ቢኖሩም ሀቅቼክ የፌስቡክ መረጃውን መርምሮ ምስሉ በህወሃት የሚመራው ኃይል አራተኛውን የኢትዮጵያ መከላከያ ሰራዊትን መያዙን የማያሳይ ስለሆነ ጥቅም ላይ የዋለው ምስል ሀሰት መሆኑን አርጋግጧል።

አጣሪ፡ ሓጎስ ገብረአምላኽ

ተርጓሚ፡ ርሆቦት አያሌው

አርታኢ፡ ብሩክ ነጋሽ

ይህ ፅሑፍ በአዲስ ዘይቤ የምርምርና ተቋም ግንባታ ቢሮ (Addis Zeybe Research & Development Department) በሚመራው ፤ ሀቅቼክ የተዘጋጀ ሲሆን ሀቅቼክ በአምስት ቋንቋዎች (አማርኛ፣ ኦሮምኛ፣ ትግርኛ፣ ሶማልኛ እና እንግሊዘኛ ቋንቋዎች) እየተዘጋጀ የሚቀርብ የተለያዩ መረጃዎችን ሀቅነት የሚመረምር የአዲስ ዘይቤ መርሀ ግብር ነው። 

ምስሉ ትልልቅ መሳሪያዎችን የታጠቀ የሱዳን ጦር ወደ ኢትዮጵያ ሲገባ የሚያሳይ ነው?

Waan Ofii (ዋን ኦፊ) የተባለ ከ39,000 በላይ ተከታዮች ያሉት የፌስቡክ ገፅ በታህሳስ 20፣  2013 ዓ.ም በለቀቀው የፌስቡክ መረጃ “ከፍተኛ ቁጥር ያለው እና ትልልቅ መሳሪዎች የታጠቀ የሱዳን ጦር ወደ ኢትዮጵያ እየተጓዘ ነው”  በማለት ተከታዩን ምስል አያይዞ ለቋል። ሆኖም ሀቅቼክ ጉዳዩን መርምሮ መረጃውን ለመደገፍ የተለቀቀው ምስል በኢትዮጵያ እና በሱዳን መካከል ከተፈጠረው ግጭት ጋር ምንም ግንኙነት የሌለው ስለሆነ ሀሰት መሆኑን አረጋግጧል።

በኢትዮጵያ እና ሱዳን ድንበር ላይ የተነሳውን ግጭት ተከትሎ በ8 ታህሳስ 2013 ዓ.ም የሱዳን ጦር አከራካሪውን የድንበር ግዛት መቆጣጠሩ እና ወደ ኢትዮጵያ ግዛት በመግባት ላይ መሆኑን በተለያዩ የመረጃ መረቦች እየተዘገበ ይገኛል። በ20 ታህሳስ 2013 ዓ.ም የውጪ ጉዳይ ሚኒስትር የኢትዮ-ሱዳንን ወቅታዊ ሁኔታ ለማብራራት ጋዜጣዊ መግለጫ እንደነበረም የሚታወስ ነው። በወቅቱ በተሰጠው ጋዜጣዊ መግለጫ ላይ አምባሳደር ዲና ሙፍቲ (የውጪ ጉዳይ ሚኒስትር ቃል አቀባይ)  ከ30 ጥቅምት 2013 ዓ.ም ጀምሮ በሱዳን ወታደራዊ ኃይሎች ከባድ መሳሪያዎችን በመጠቀም የተደራጁ ጥቃቶች እንደነበሩ ገልፀው የኢትዮጵያ አርሶ አደሮች የግብርና ምርቶች እየተዘረፉ ፣ ካምፖቻቸው እይተወረሩ እና አርሶ አደሮች የራሳቸውን እርሻ እንዳያጭዱ እንቅፋት እየሆኑባቸው እንዳለ ተናግረዋል። ከዚህ በተጨማሪም ብዙ ንፁሀን መገደላቸውን እና መቁሰላቸውን አክለዋል። አሁን ባለው ሁኔታ ሁለቱም አገራት በራሳቸው ወገን ያለውን ሪፖርት ለማቅረብ የተስማሙ ሲሆን የድንበር ማካለል ስራውም በፍጥነት እንዲጀመር ወስነዋል።

ሆኖም ቲን ዐይ (TinEye) የተባለ የምስል ማጣሪያ እንደሚያሳየው የሱዳኖች ጦር ወደ ኢትዮጵያ ድንበር እየገሰገሰ ነው የሚለውን መረጃ ለመደገፍ ጥቅም ላይ የዋለው ምስል ለመጀመሪያ ጊዜ የታተመው በ29 ሰኔ 2010 ዓ.ም Haber7.com (ሀበር 7 ዶት ኮም) በተባለ የቱርክ የዜና ድረ-ገፅ ሲሆን የየመን ጦር በሰሜኑ የአገሪቱ ክፍል የተወሰኑ ቦታዎችን ተቆጣጥሮ እንደነበር ለመግልፅ ነበር ምስሉ ጥቅም ላይ የዋለው። 

  

በኢትዮ-ሱዳን ድንበር ላይ በኢትዮጵያ እና በሱዳን ወታደራዊ ኃይል መካከል ግጭት መኖሩ እውነት ነው፤ ሆኖም ሀቅቼክ የፌስቡክ መረጃውን መርምሮ ምስሉ የሱዳን ጦር ወደ ኢትዮጵያ እየገሰገሰ መሆኑን የማያሳይ እና በኢትዮ-ሱዳን ድንበር ካለው ወቅታዊ ሁኔታ ጋር ግንኙነት የሌለው በመሆኑ ሀሰት መሆኑን አረጋግጧል።

አጣሪ፡ ርሆቦት አያሌው

ተርጓሚ፡ ርሆቦት አያሌው

አርታኢ፡ ብሩክ ነጋሽ

ይህ ፅሑፍ በአዲስ ዘይቤ የምርምርና ተቋም ግንባታ ቢሮ (Addis Zeybe Research & Development Department) በሚመራው ፤ ሀቅቼክ የተዘጋጀ ሲሆን ሀቅቼክ በአምስት ቋንቋዎች (አማርኛ፣ ኦሮምኛ፣ ትግርኛ፣ ሶማልኛ እና እንግሊዘኛ ቋንቋዎች) እየተዘጋጀ የሚቀርብ የተለያዩ መረጃዎችን ሀቅነት የሚመረምር የአዲስ ዘይቤ መርሀ ግብር ነው። 

በምስሉ ላይ ያሉት ሁለቱ ሰዎች በቅርቡ በትግራይ ክልል በነበረው ግጭት ወቅት በኤርትራ ወታደሮች የተገደሉት ናቸው?

ኣርሓ ወያናይ ተጋሩ የተባለ ከ5000 በላይ ጓደኞች ያሉት የፌስቡክ ተጠቃሚ የሁለት ሰዎችን ምስል በኤርትራ ወታደሮች በትግራይ ተገደሉ በማለት ታህሳስ 17፣ 2013 ዓ.ም ለቆ ነበር። ምስሉን ለመደገፍ በትግርኛ የተጻፈው ጽሑፍ “….የአውሬዎች ዘር! የኤርትራ ወታደሮች እነዚህን ሁለት ንፁሀን ሰዎች በትግራይ ገደሉ ፡፡ በዓለም ላይ በየትኛውም ቦታ ታይቶ የማይታወቅ ግፍ!” ሲል ይነበባል። ሆኖም ሀቅቼክ ጉዳዩን መርምሮ ሁለቱ ሰዎች በትግራይ ክልል ውስጥ በኤርትራ ወታደሮች ሲገደሉ የማያሳይ እና ትክክለኛ ያልሆነ ምስል በመሆኑ ሀሰት መሆኑን አረጋግጧል ፡፡

ከጥቅምት 28፣ 2013 ዓ.ም ጀምሮ በፌዴራል መንግስት እና በህወሃት በሚመራው የትግራይ ልዩ ኃይል እና ሚሊሻ መካከል በትግራይ ክልል ውስጥ ቀጣይነት ያለው ግጭት ተከስቷል። ግጭቱን ተከትሎም የፌደራል መንግስት በኤርትራ መንግስት ድጋፍ እየተደረገለት እንደሆነ ተደጋጋሚ ያልትጣሩ መረጃዎች እና ክሶች ሲወጡ ይሰማሉ። ሆኖም የኢትዮጵያ መንግስት የኤርትራ ኃይሎች በወታደራዊ ዘመቻው ውስጥ እንዳልተሳተፉ ደጋግሞ አስተባብሏል።

ሆኖም ሪቨርስ ኢሜጅ የተባለ የምስል ማጣሪያ እንደሚያሳየው በፌስቡክ ተጠቃሚው የተለቀቀው ምስል ለመጀመሪያ ጊዜ የታየው ህዳር 21፣ 2010 ዓ.ም awaale afcad በተባለ የትዊተር ገፅ ሲሆን ከምስሉ ጋር ተያይዞም “በሊቢያ ውስጥ” የሚል ፅሁፍ ይነበባል። ምስሉ ከሌሎች ሦስት ምስሎች ጋር ተያይዞ ነበር የተለቀቀው። 

በህወሃት በሚመራው የትግራይ ክልል ኃይል እና በፌዴራል መከላከያ ሰራዊት መካከል በተነሳው ግጭት ኤርትራ ተሳትፋለች የሚሉ ክሶችና ያልተረጋገጡ መረጃዎች መኖራቸው እውነት ነው። ሆኖም ሀቅቼክ ባደረገው ማጣራት ሁለት ሰዎችን የሚያሳየው ምስል በትግራይ ውስጥ በኤርትራ ወታደሮች መገደላቸውን የሚያረጋግጥ ባለመሆኑን እና ከጉዳዩ ጋር ምንም ግንኙነት የሌለው ምስል በመጠቀሙ ምክንያት ሀሰት መሆኑን አረጋግጧል።

አጣሪ፡ ሓጎስ ገብረአምላኽ

ተርጓሚ፡ ርሆቦት አያሌው

አርታኢ፡ ብሩክ ነጋሽ

ይህ ፅሑፍ በአዲስ ዘይቤ የምርምርና ተቋም ግንባታ ቢሮ (Addis Zeybe Research & Development Department) በሚመራው ፤ ሀቅቼክ የተዘጋጀ ሲሆን ሀቅቼክ በአምስት ቋንቋዎች (አማርኛ፣ ኦሮምኛ፣ ትግርኛ፣ ሶማልኛ እና እንግሊዘኛ ቋንቋዎች) እየተዘጋጀ የሚቀርብ የተለያዩ መረጃዎችን ሀቅነት የሚመረምር የአዲስ ዘይቤ መርሀ ግብር ነው። 

በምስሉ ላይ የሚታዩት ወታደሮች በቅርቡ በአፋር እና በሶማሌ መካከል በተከሰተው ግጭት የተሳተፉ ናቸው?

በ19 ታህሳስ 2013 ዓ.ም Afmeer tv. የተባለ 224,000 በላይ ተከታዮች ያሉት የፌስቡክ ገፅ አንድ ባለ አንድ ጋቢና ወታደራዊ ተሽከርካሪ እና ወታደሮችን የሚያሳይ ምስል፤ የሶማሌ ልዩ ኃይል እና የአፋር ክልል ኃይሎች በሲቲ ዙሪያ (ቀድሞ ሺኒሌ ዞን በመባል የሚታወቀው) ድንበር ላይ ከፍተኛ ፍልሚያ እያካሄዱ እንደሆኑ እና በግጭቱም በአፋር ክልል ኃይሎች ላይ ከፍተኛ ኪሳራ እንደደረሰና ሶስት ንፁሀን ሶማሌዎች ሲገደሉ ሁለት ሰዎች ቆስለዋል ከሚል ፅሁፍ ጋር አጋርቷል። ሆኖም ሀቅቼክ ባደረገው ማጣራት ከዚህ በታች ያሉው የፀትታ ሀይሎችን የሚያሳየው ምስል ከግጭቱ ጋር እንደማይገናኝና በቅርቡ በሶማሌ እና በአፋር ክልል ኃይሎች መካከል የተፈጠረው የትጥቅ ግጭት ጋር ምንም አይነት ግንኙነት እንደሌለው አረጋግጧል። በመሆኑም መረጃውን ሃሰት ብሎታል። .

በኢትዮጵያ የሚገኙት የአፋር ብሄረሰብ አባላትና የኢሳ ሶማሌ ብሄረሰቦች በተለያዩ ምክንያቶች የተነሳ ግጭት ውስጥ ከገቡ ከ10 አመታት በላይ ተቆጥሯል። በድንበር አከባቢዎች በተለይም ከሶማሌ ክልል ዘጠኝ ዞኖች አንዱ በሆነው በሽንሌ ዞን እና በአፋር ክልል ገቢ ራሱ እና አውሲራሱ ዞኖች መካከል የእርስ በርስ ግጭቶች እንደነበረም የሚታወቅ ነው። አክራካሪዎቹ ግዛቶች ኡንዱፎ ፣ ገዳማይቱ እና አዳይቱ ከተሞች በሁለቱ የአፋር ዞኖች ውስጥ ይገኛሉ። በርካታ የኢሳ ሶማሌዎች በአፋር ክልል በገቢ ራሱ እና በአውሲረሱ ዞኖች በሚገኙ ከተሞች ውስጥ በመስፈራቸው ምክንያት የመሬት ይገባኛል ጥያቄዎች እና ግጭቶች በየጊዜው ይነሳሉ። በ2006 ዓ.ም በወቅቱ ጠቅላይ ሚኒስትር አነሳሽነት የሶማሌ እና የአፋር ክልላዊ መንግስታት በመካከላቸው ላለው የድንበር ግጭት ዘላቂ መፍትሄ ይሆን ዘንድ የሰላም ስምምነት ተስማምተው የተፈራረሙ የነበረ ሲሆን በስምምነቱ መሰረት ሶስቱ አወዛጋቢ ግዛቶች ወደ አፋር ክልል ማለትም ገዳማይቱ ወደ አሚባራ ወረዳ ፣ ኡንዱፎ ወደ ገዋኔ ወረዳ እና አዳይቱ ወደ ሚሌ ወረዳ እንዲዋሀዱ ተደርጎ ነበር። ሆኖም በ2011 ዓ.ም የሶማሌ ክልል ሶስት ቀበሌዎችን ለአፋር ክልል ለመስጠት ፈቃደኛ ባለመሆኑ እና  በአከባቢው ህዝብ ፍላጎት ላይ ያልተመሰረተ እና ህገ-መንግስታዊ ያልሆነ ውሳኔ ነው በማለት ከስምምነቱ ውጪ እንደሆነ ማስታወቁም የሚታወስ ሲሆን ከሁለት ወራት በፊት በሁለቱ የክልል ሃይሎች መካከል አዲስ የትጥቅ ግጭት ተከስቶ የ27 ሰዎች ህይወት ማለፉ ይታወቃል ፡፡

ይህ በእንዲህ እንዳለ ሪቨርስ ኢሜጅ የተባለ የምስል ማጣሪያ እንደሚያሳየው ከሆነ በፌስቡክ ጽሁፉ ላይ ጥቅም ላይ የዋለው ምስል በቅርቡ በሁለቱ ክልሎች የተፈጠረ ግጭት አይደለም፡፡ ምስሉ ለመጀመሪያ ጊዜ የታየው 26 ሚያዚያ 2011 ዓ.ም ፌስቡክ ላይ ተለቆ ሲሆን ግጭቶች በክልሉ ኃይሎች መካከል ሲካሄዱ እንደነበር ይገልፃል።

Original Image:

በአፋር እና በሶማሌ ክልል ድንበር ዙሪያ ለአስርተ ዓመታት የዘለቁ ግጭቶች መኖሩ እውነት ነው። ሆኖም ሀቅቼክ ባደረገው ማጣራት ምስሉ በሶማሌ እና በአፋር ክልል ኃይሎች መካከል ከተፈጠረው የትጥቅ ግጭት ጋር የማይገናኝ እና በአሁን ሰአት በክልሎቹ ውስጥ ያለውን ሁኔታ የማያሳይ ስለሆነ ሀሰት መሆኑን አረጋግጧል። 

አጣሪ፡ ሓጎስ ገብረአምላኽ

ተርጓሚ፡ ርሆቦት አያሌው

አርታኢ፡ ብሩክ ነጋሽ

ይህ ፅሑፍ በአዲስ ዘይቤ የምርምርና ተቋም ግንባታ ቢሮ (Addis Zeybe Research & Development Department) በሚመራው ፤ ሀቅቼክ የተዘጋጀ ሲሆን ሀቅቼክ በአምስት ቋንቋዎች (አማርኛ፣ ኦሮምኛ፣ ትግርኛ፣ ሶማልኛ እና እንግሊዘኛ ቋንቋዎች) እየተዘጋጀ የሚቀርብ የተለያዩ መረጃዎችን ሀቅነት የሚመረምር የአዲስ ዘይቤ መርሀ ግብር ነው። 

በምስሉ ላይ የሚታዩት መሳሪያዎች በድባቴ ወረዳ አስተዳደሪ ቤት የተገኙ ናቸው?

ታህሳስ 13 2013 ዓ.ም 🌡#𝐒𝐓𝐎𝐏_𝐀𝐌𝐇𝐀𝐑𝐀_𝐆𝐄𝐍𝐎𝐂𝐈𝐃𝐄 በተባለ ከ3500 በላይ ተከታዮች ባሉት የትዊተር ገፅ አንድ የሰው ምስል እና ሁለት የተለያዩ ባህላዊ መሳሪያዎችን የሚያሳይ ምስል ተለቆ ነበር። ከምስሉ ጋር ተያይዞም መሳሪያዎቹ የተገኙት በዲባቴ ወረዳ  (በቤኒሻንጉል ጉሙዝ ክልል መተከል ዞን)  አስተዳዳሪ ቤት ውስጥ ሲሆን በአካባቢው ያሉ አማራዎችን ለማጥቃት በሚል በቤታቸው ውስጥ መከማቸቱን የሚገልፅ ሀሳብ ያለው ፅሁፍ አለ፡፡ ፅሁፉም “ደበሊ በልጋፎ ይባላል፤ የቤጉ ድባጤ ወረዳ አስተዳዳሪ ሆኖ ብዙዎችን በማስጨፍጨፉ ወደ መተከል ዞን ሹመት አግኝቶ የመጣ ባለስልጣን ነው፤ ቤቱ ሲፈተሽ ይህ ሁሉ አማራን ማስጨፍጨፊያ ተገኝቷል” ሲል ይነበባል። ሆኖም ሀቅቼክ ባደረገው ማጣራት መሰረት በምስሉ ላይ የሚታዩት የስለት መሳሪያዎች በድባቴ ወረዳ አስተዳዳሪ ቤት ውስጥ የተገኙ አለመሆናቸውን ለማረጋገጥ ተችሏል። ስለዚህም የሀሰት መረጃ በማለት ፈርጆታል።

በቤኒሻንጉል ጉሙዝ ክልላዊ መንግስት በመተከል ዞን ግጭቶች እና መፈናቀሎች ተከስተዋል ፡፡ በዞኑ እና በአከባቢው ያሉ የእርስ በእርስ ግጭቶች እየተባባሱ በመሆናቸው የቤኒሻንጉል እና የአማራ ክልል መንግስታት እርስ በርሳቸው እየተወነጃጀሉ ነው፡፡ ታህሳስ 13 2013 ዓ.ም ጠቅላይ ሚኒስትር ዐብይ አህመድ (ፒኤችዲ) ፣ የሰላም ሚኒስትሯ ሙፈሪያት ካሚል ፣ የጦሩ ዋና አዛዥ ጄኔራል ብርሃኑ ጁላ እና የቤኒሻንጉል ጉሙዝ ክልል ፕሬዝዳንት አሻድሊ ሀሰን አካባቢውን የተፈጠረውን የፀጥታ ችግር ለመፍታት ከመተከል ዞን ነዋሪዎች ጋር ውይይት አካሂደዋል ፡፡ የአማራ ብዙሃን መገናኛ ድርጅት እንደዘገበው በታህሳስ 14 2013 ዓ.ም በቡለን ወረዳ በቢኩጂ ቀበሌ ላይ ከባድ ብሄርን መሰረት ያደረገ የጅምላ ግድያ ተከስቷል እንዲሁም ቤቶች ተቃጥለዋል። 

በቤኒሻንጉል ጉሙዝ ክልላዊ መንግስት መተከል ዞን በተፈጠረው የጎሳ ግጭት እና የፀጥታ ችግር መካከል በምስሉ ላይ የሚታዩት መሳሪያዎች በአማራዎች ላይ ጭፍጨፋ ለማድረግ በዲባቴ ወረዳ አስተዳዳሪ ቤት ውስጥ ተከማችተው ተገኝተዋል ብማለት በትዊተር ላይ ተሰራጭቷል። ሆኖም ሪቨርስ ኢሜጅ በተባለ የምስል ማጣሪያ ለማጣራት እንደተቻለው የተለያዩ ስለታም መሳሪያዎችን የሚያሳየው አንደኛው ምስል ለመጀመሪያው ጊዜ የተለቀቀው መስከረም 10 2012 ዓ.ም  በኢትዮጰያ ብሮድካስቲንግ ኮርፖሬት የፌስቡክ ገፅ ላይ ሲሆን በቁጥር 2,765 የሚሆኑት መሳሪያዎች ከደሴ ወደ አዲስ አበባ በአይሱዙ ሲጓዙ በደብረ ብርሃን ከተማ መያዛቸውም ተያይዞ ተገልፁአል። ሁለተኛው ምስል ደግሞ ለመጀመሪያ ጊዜ ህዳር 17 2013 ዓ.ም  ደብረማርቆስ ዴንማርክ በተባለ የፌስቡክ ገፅ ላይ መሳሪያዎቹ በቻግኒ በጅምላ ግድያ ከተሳተፉ መካከል አንዱ በሆነ አንድ ሀብታም ሰው ቤት ውስጥ ተገኝቷል በማለት ነበር የተለቀቀው።

በቤኒሻንጉል ጉሙዝ መተከል ዞን የፀጥታ ችግር እና የእርስ በእርስ ግጭቶች መኖራቸው እውነት ነው። ሆኖም ሀቅቼክ ባደረገው ማጣራት መሰረት በትዊተር ገፁ የተሰራጨውን መረጃ ለመደገፍ ጥቅም ላይ የዋሉት ምስሎች አሁን ላይ ያለውን ሁኔታ የሚያሳዩ ባለመሆናቸው ምክንያት ሀሰት በማለት ፈርጆታል።

አጣሪ፡ ሓጎስ ገብረአምላኽ

ተርጓሚ፡ ርሆቦት አያሌው

አርታኢ፡ ብሩክ ነጋሽ

ይህ ፅሑፍ በአዲስ ዘይቤ የምርምርና ተቋም ግንባታ ቢሮ (Addis Zeybe Research & Development Department) በሚመራው ፤ ሀቅቼክ የተዘጋጀ ሲሆን ሀቅቼክ በአምስት ቋንቋዎች (አማርኛ፣ ኦሮምኛ፣ ትግርኛ፣ ሶማልኛ እና እንግሊዘኛ ቋንቋዎች) እየተዘጋጀ የሚቀርብ የተለያዩ መረጃዎችን ሀቅነት የሚመረምር የአዲስ ዘይቤ መርሀ ግብር ነው። 

በመጪው ምርጫ ኦፌኮ አይሳተፍምን?

አዲስ ስታንዳርድ በፌስቡክ ላይ ከ151,000 በላይ ተከታዮች ያሉት በትዊተር ላይ ደግሞ ከ180,000 በላይ ተከታዮች ያሉት በኢትዮጵያ የሚገኝ የዜና አውታር ነው። አዲስ ስታንዳርድ በድህረ-ገፁ ላይ በእንግሊዘኛ በተፃፈ ርዕስ “ዜና: የኦሮሞ ፌዴራላዊ ኮንግረስ ተቃዋሚ ፓርቲ አሁን ባለው ነባራዊ ሁኔታ በመጪው ምርጫ ላይ እንደማይሳተፍ ገልጿል” የሚል ርእስ ያለው የትዊተር ፅሁፍ ዜና ይዞ ወጥቷል፡፡ ይህንኑ ፅሁፍ በፌስቡክ እና በትዊተር ገፆቹም በማጋራት ላይ ይገኛል ፡፡ ድህረ-ገጹ ፓርቲው በኦሮምኛ እና በአማርኛ የላከውን መግለጫ እንደ ማስረጃነት በመጠቀም ከላይ የተጠቀሰውን መረጃ ከላይ በተቀመጠው ርዕስ ስር አቅርቧል፡፡ ሆኖም ሀቅቼክ በዜና አውታሩ የቀረበውን ፅሁፍ እና ማስረጃ በመመርመር አሳሳች ርዕስ እንዳለው አረጋግጧል፡፡

በኢትዮጵያ በመጪው ምርጫ ይሳተፋሉ ተብሎ ከሚጠበቁት ጠንካራ ፓርቲዎች መካከል የኦሮሞ ፌዴራሊስት ኮንግረስ (ኦፌኮ) አንደኛው እንደሆነ የሚታወቅ ነው። ኦፌኮ በኦሮሚያ ክልል ተጽዕኖ ፈጣሪ ከሚባሉ ግለሰቦች መካከል እንደፓርቲው ሊቀ መንበር ፕሮፌሰር መራራ ጉዲና (PHD) ፣ እንደምክትል ሊቀመንበር በቀለ ገርባ እና እንደጃዋር መሃመድ የመሳሰሉ ግለሰቦችን ያካተተ ፓርቲም ነው። በአሁኑ ጊዜ የኦፌኮ ከፍተኛ አመራሮች እና አባላት በሽብርተኝነት ፣ በዓመፅ ቅስቀሳ ፣ በቴሌኮም ማጭበርበር እና በህገ-ወጥ የጦር መሳሪያዎችን በመያዝ ክስ ተከሰው በቁጥጥር ስር የዋሉ መሆናቸው ይታወቃል፡ ፡አቶ ጃዋር መሀመድ በአራቱም ወንጀሎች ተጠርጥረው የተከሰሱ ሲሆን የፓርቲው ምክትል ሊቀመንበር አቶ በቀለ ገርባ በአንፃሩ ከቴሌኮም ማጭበርበር ወንጀል ውጪ በሁሉም ክሶች በጠቅላይ አቃቤ ህግ ክስ እንደቀረበባቸው የሚታወቅ ነው። በቅርቡም አቶ በቀለ ገርባ እና ጃዋር መሀመድ የሀገሪቱን ወቅታዊ የፀጥታ ሁኔታን ምክንያት በማድረግ ያለፈውን የፍርድ ቤት ቀጠሯቸው ለመቅረብ ፈቃደኛ ያመሆናቸውን ገልፀው በጊዜያዊ ማቆያቸው አቅራቢያ በሚገኝ ጊዜያዊ ችሎት መቅረብ እንዲፈቀድላቸው ጠይቀዋል፡፡ በተጨማሪም ኦፌኮ ከፌዴራል እስከ ቀበሌ ያሉ አብዛኛዎቹ አመራሮቻቸው እና አባላቶቻቸው የታሰሩ በመሆናቸውና ከዋና መስሪያ ቤቱ ውጭ ያሉ ቢሮዎቻቸው በመዘጋታቸው በመጪው ምርጫ ለመሳተፍ “እጅግ በጣም ከባድ ይሆናል” የሚል መግለጫ አውጥቷል ፡፡ .

ምስል 1-ከኦፌኮ የተሰጠ መግለጫ በአማርኛ

ፓርቲው ባወጣው መግለጫ ሶስት ነገሮችን እንዲሟሉለት መጠየቁ ሀቅ ነው። (እነዚህም በእስር ላይ ያሉ የኦፌኮ አመራሮች እና አባላት እንዲለቀቁ ፣ የተዘጉ የኦፌኮ ቢሮዎች ተመልሰው እንዲከፈቱ እና ለምርጫ ቅስቀሳ እና ሌሎች የምርጫ እንቅስቃሴዎችን ለማካሄድ አመቺ የሆነ ሁኔታ እንዲፈጠር ጠይቋዋል)። አዲስ ስታንዳርድም ከላይ የተጠቀሰውን የኦፌኮ መግለጫ በጽሁፉ አካል ውስጥ በሚገባ ገልፆታል፡፡ አዲስ ስታንዳርድ ባወጣው ፅሁፍ መልእክቱን እንደ አርዕስተ ዜና የተጠቀመው ቢሆንም ከላይ በተጠቀሰው ደብዳቤም ሆነ የኦሮምኛ አቻው ፓርቲው አሁን ባለው ወቅታዊ ሁኔታዎች ውስጥ በምርጫ ላይሳተፍ እንደሚችል ማስጠንቀቂያዎች ቢያቀርብም ፓርቲው በመጪው ምርጫ በእርግጠኛነት አንካፈልም የሚል መልእክት እንዳልያዘ መገንዘብ ይቻላል። ምንም እንኳን የፅሁፉ ዋና አካል አርዕስቱን በትክክል እንዳብራራ መከራከር ቢቻልም ፣በኮሎምብያ ዩንቨርስቲ በተደረገ ጥናት 60 ፐርሰንት የሚሆኑት የትዊተር ተጠቃሚዎች የትዊተር መልእክቶችን የሚያጋሩት አርዕስቱን  ሳያነቡ እንደሆነ ያሳያል። ይህም እንደነዚህ ያሉ ርዕሶች ህዝብን ለማሳሳት ያላቸውን አቅም የሚያሳይ ነው። 

በዚህም ምክንያት ሀቅቼክ የፅሁፉን አርዕስት በጥልቀት ከመረመረ በኋላ (ዋና የፅሁፉን አካል ሳያጠቃልል) አሳሳች ርዕስ በማለት መረጃውን ፈርጆታል። ለዚህ ውሳኔ ምክንያቱ በማህበራዊ ሚዲያዎች ላይ በተጻፈው አርዕስት ላይ የተጠቀሰውን መልእክት  ፓርቲው በመግለጫው ላይ ባለማስተላለፉ ነው።

አጣሪ: አብዱላሂ አብዱልቃድር

አርታኢ: ብሩክ ነጋሽ ጠዕመ

ተርጓሚ፡ ቤዛዊት መስፍን

ይህ ፅሑፍ በአዲስ ዘይቤ የምርምርና ተቋም ግንባታ ቢሮ (Addis Zeybe Research & Development Department) በሚመራው ፤ ሀቅቼክ የተዘጋጀ ሲሆን ሀቅቼክ በአምስት ቋንቋዎች (አማርኛ፣ ኦሮምኛ፣ ትግርኛ፣ ሶማልኛ እና እንግሊዘኛ ቋንቋዎች) እየተዘጋጀ የሚቀርብ የተለያዩ መረጃዎችን ሀቅነት የሚመረምር የአዲስ ዘይቤ መርሀ ግብር ነው።

በምስሉ ላይ ያሉት ወታደሮች ኢትዮ- ሱዳን ድንበርን የተቆጣጠሩ የሱዳን ወታደሮች ናቸው?

ኩዒታ – Kuéta የተባለ ከ2100 በላይ ተከታዮች ያሉት የፌስቡክ ተጠቃሚ ታህሳስ 10፣ 2013 ዓ.ም ወታደሮችን የሚያሳይ ምስል  2000 ኪ.ሜ የሚሆነው አከራካሪ ድንበር ሙሉ በሙሉ በሱዳን ቁጥጥር ስር መሆኑን እና ቅንጣት ያክል መሬቱን እንደማይስጡ የሚገልፅ ፅሑፍ አክሎ ለጥፏል። ከምስሉ ላይም የተፃፈው ፅሁፍ “… የሱዳን መንግስት ተጨማሪ ብዙ ሺ ማጠናከሪያ ሰራዊት ወደ ድንበር ማጓጓዙ ታውቁዋል፡፡ የግብጽ መንግስትም የሱዳን ሉአላዊነትን ከማስከበር አንጻር የትኛውንም አይነት ወታደራዊ እና ኢኮኖሚያዊ ድጋፍ ለማድረግ ቃል በመግባት ከሱዳን ጎን መሰለፉን አስታውቋል…” ሲል ይነበባል።   ሀቅቼክ ባደረገው ማጣራት ከስር በምስሉ ላይ የሚታዩት የሱዳን ወታደሮች በቅርቡ በኢትዮ-ሱዳን ድንበር የተፈጠረው ግጭት ላይ መሆናቸውን የሚያሳይ አለመሆኑን አረጋግጧል፤ ስለዚህ ሀሰተኛ ምስል መሆኑን አረጋግጧል።  

 

ባሳለፍነው ሳምንት በኢትዮ-ሱዳን ድንበር በአማራ ሚሊሻ እና በሱዳን ወታደሮች መካከል ግጭት መከሰቱ የሚታወቅ ነው ሲሆን በ8  ታህሳስ 2013 ዓ.ም የሱዳን ጦር የኢትዮጵያን እና የሱዳንን አዋሳኝ ድንበር ግዛቶች መቆጣጠሩን  ገልጿል። ሰራዊቱ ከኢትዮጵያ ጋር ያሉት ዓለም አቀፍ ድንበሮች ግልፅና የማያከራክሩ እንደሆኑና ሱዳን ከክልሏ ቅንጣት እንደማትሰጥ በወቅቱ መግለፁም ይታወቃል ፡፡ የሰራዊቱ መግለጫ ከኢትዮጵያ ጋር ያለው ዓለም አቀፍ ድንበር ግልፅ እና አጠራጣሪ አለመሆኑን የበለጠ ሲያብራራ ሱዳን ሉዓላዊ ግዛቷ በሌላ ሀገር እንዲተዳደር አትፈቅድም ብሏል። የኢትዮጵያ ጠቅላይ ሚኒስትር አብይ አህመድ (ፒ.ኤች.ዲ) በ8  ታህሳስ 2013 ዓ.ም በትዊተር ገፃቸው አስተዳደራቸው ከአካባቢው ሚሊሻዎች ጋር የተፈጠረውን የድንበር ግጭት በቅርብ እየተከታተለ መሆኑን ተናግረዋል፡፡ እንደነዚህ ያሉት ግጭቶች የሁለቱን አገራት ትስስር አያፈርሱም በማለት ከሱዳን ጋር ያለውን የድንበር ፍጥጫ አቃለውታል። ታህሳስ 13፣ 2013 ዓ.ም ሀገሪቱን የሚያዋስኑ ድንበሮችን ለመለየት ምክትል ጠቅላይ ሚኒስትር እና የውጭ ጉዳይ ሚኒስትር ደመቀ መኮንን ከሱዳን ባለሥልጣናት ጋር በካርቱም ተነጋግረዋል።

በዚህ ነባራዊ ሁኔታ ውስጥ ከላይ የተጠቀሰው መረጃ ቢሰራጭም ሪቨርስ ኢሜጅ የተባለ የምስል ማጣሪያ ዘዴ እንደሚያመለክተው በመረጃው ላይ የተጠቀመጠው ምስል የተነሳው የቻይናው ዥንዋ ጋዜጣ ጋዜጠኛ በሆነው መሀመድ ባቢከር ሲሆን ምስሉ ለመጀመሪያ ጊዜ የታተመው መጋቢት 4 2009 ዓ.ም (በፌስቡክ ተጠቃሚው ከመለቀቁ 3 አመት ከ9 ወር እና 6 ቀን በፊት) አላሚ በተባለው የእንግሊዝ ፎቶግራፊ ኤጀንሲ ነበር። ምስሉ 11,450 የሚሆኑ የሱዳን ፈጣን ድጋፍ ሰራዊት በካርቱም በተመረቁበት ወቅት በተካሄደ ሰልፍ የተነሳ መሆኑንም ሀቅቼክ አረጋግጧል። 

Original Image:

በመሆኑም ምንም እንኳን መረጃው በፌስቡክ በተጋራበት ወቅት የሱዳን ጦር የኢትዮ-ሱዳን ድንበር አከባቢ ያለውን ቦታ መቆጣጠሩ እውነት ቢሆንም ሀቅቼክ ባደረገው ማጣራት መረጃውን ለመደገፍ ተያይዞ የተለቀቀው ምስል ከጉዳዩ ጋር ምንም ግንኙነት የሌለው እና ሀሰት መሆኑን አረጋግጧል። 

አጣሪ፡ ሓጎስ ገብረአምላኽ

ተርጓሚ፡ ርሆቦት አያሌው

አርታኢ፡ ብሩክ ነጋሽ

ይህ ፅሑፍ በአዲስ ዘይቤ የምርምርና ተቋም ግንባታ ቢሮ (Addis Zeybe Research & Development Department) በሚመራው ፤ ሀቅቼክ የተዘጋጀ ሲሆን ሀቅቼክ በአምስት ቋንቋዎች (አማርኛ፣ ኦሮምኛ፣ ትግርኛ፣ ሶማልኛ እና እንግሊዘኛ ቋንቋዎች) እየተዘጋጀ የሚቀርብ የተለያዩ መረጃዎችን ሀቅነት የሚመረምር የአዲስ ዘይቤ መርሀ ግብር ነው። 

Exit mobile version