ሓሶት፡ እዛ ምስሊ ማእከል መአከቢ ዕጥቂ ተዋጋእቲ ህወሓት ኣይተርእን

ብ25 ጥቅምቲ 2022 ዓ.ም ኣብ ትዊተር ብዛዕባ ሙሩኻት ኢዶም ዝህብሉን ዕጥቆም ዘረክብሉን ቦታ ኣቐዲሙ ብሓይልታት ምክልኻል ኢትዮጵያ ኣብ ትግራይ ከምዝተዳለወ እትገልጽ ሓንቲ ስእሊ ወጽያ ነይራ።

እዛ ብፅሑፍ ዝተደገፈት ስእሊ ኣብ ዝወፀትሉ እዋን ልዕሊ 120 ትዊተራውያን (ተጠቀምቲ ትዊተር) ተቐባቢሎምዋን ልዕሊ ሚኢቲ ግዘ ከኣ ግብረመልሲ ረኺባን ነይራ።

ይኹን እምበር ሓቂቸክ ነዛ ስእሊ መርሚሩ እቲ ዝተነግረ ሓበሬታ ሓሶት ከምዝኾነ ኣረጋጊፁ ኣሎ።

ድሕሪ እቲ ብ24 መጋቢት 2022 ዓ.ም ዝተገብረ ተፃብኦ ደው ናይ ምባል እማመ፡ ኲናት ዳግም ኣብ ሞንጎ ህወሓትን ፌደራላዊ መንግስቲ ኢትዮጵያን ተወሊዑ ነይሩ።

ዋላኳ ህወሓትን ፌደራላዊ መንግስትን ይኽሓድዎ እምበር ብኽልቲኡ ወገን ዘለዉ መራሕቲ ብዘይስሩዕ መንገዲ ብቴሌፎን ይራኸቡ ነይሮም እዮም ዝብሉ ወረታት ይጋውሑ ነይሮም እዮም። ይኹን እምበር ስሩዕ ዘተ፡ሰላም ኣብ ሞንጎኦም ብ25 ጥቅምቲ 2022 ዓ.ም ኣብ ደቡብ ኣፍሪቃ ከተማ ፕሪቶርያ እዩ ተጀሚሩ።

እቲ ክግበር ዝቐነየ ዘተ፡ሰላም ብ2 ሕዳር 2022 ዓ.ም ዕልባት ረኺቡ፤ እቶም ተፃባእቲ ሓይልታት እዉን ብወግዒ ውዕሊ ሰላም ፈሪሞም እዮም።

ካብቲ ዝተገብረ እማመ፡ ዕጡቓት ሓይልታት ህወሓት ዕጥቆም ንመንግስቲ ኢትዮጵያ ከረክቡ ዝብል እዩ። እቲ ኣብ ትዊተር ዝተጠቅዐ እዉን እዚ መሰረት ዝገበረ እዩ። 

ነቲ ኣብ ትዊተር ዝተብሃለ ሓበሬታ ንምጥላል ኣብ ዝተገበረ ፃዕሪ፡ ሓቂቸክ እዛ ስእሊ ቅድም ኢላ ጌቲ ኢሜጅስ [Getty Images] ኣብ ዝተብሃለ መርበብ ሓበሬታ ተሓቲማ ከምዝነበረት ኣረጋጊፁ ኣሎ። እዛ ስእሊ ኣባላት ዲሞክራስያውያን ሓይልታት ንሓርነት ሩዋንዳ (ዲሓሓሩ) ኣብ ሃገረ ዲሞክራስያዊት ኮንጎ ዕጥቆም እንተረክቡ፤ ቆላውዕ ከኣ ነቲ ኹነታት ተኣኪቦም እንትዕዘቡን ተርኢ ከምዝኾነት እቲ ዝተረኽበ ሓበሬታ ተረድእ።

ሊንክ      ስለዚ’ውን ሓቂቸክ ነቲ ናይ ትዊተር ሕታም ሓሶት ኢልዎ ኣሎ።

 ሓሶት፡ እዛ ምስሊ እዚኣ ደብዳብ መቐለ ብናይ ኢትዮጵያ ድሮን ኣይተመላኽትን

ብመስከረም 13/2022 ሓደ ሰብ መቐለ ብናይ ኢትዮጵያ ድሮን ተደብዲባ ሓደ ቁልፊ ኣመራርሓ ህወሓት ከኣ ተቐቲሉ ክብል ኣብ ትዊተር ሓንቲ ምስሊ ጠቂዑ ነይሩ። ብድሕሪኡ 703 ግዘ ብዙሓት ሰባት ተቐቢሎም ኣዋዓዊዖማ ነይሮም እዮም።

ይኹን እምበር እዛ ምስሊ እዚኣ ነቲ ዝበሃል ዘሎ ነገር ከምዘይተመላኽት ሓቂቸክ ብዝገበሮ ዳህሳስ ኣረጋጊጹ ኣሎ። 

እዛ እትበሃል ዘላ ምስሊ ካብ Netherlands Apache strike in Afghanistan ዝብል ኣርእስቲ ዘለዋ ቪድዮ ተቐሪጻ ዝተወሰደት እያ። እዛ ቪድዮ እዚአ ብመጋቢት 2/2008 እያ ናብ ኢንተርነት ተጻዒና። 

ድሕሪ ናይ ኣዋርሕ ወጥሪ/ምትፍናን እዩ ኣብ ሞንጎ ህወሓትን ፈደራላዊ መንግስትን ብምሸት 3 ሕዳር 2020 ኲናት ዝተወልዐ።

ፈደራላዊ መንግስቲ ኢትዮጵያ ምስ መንግስቲ ኤርትራን ምስ ካልኦት ክልላዊ መንግስታትን ሓቢሩ እዩ ንህውሓት ካብ መቐለን ካልኦት ከተማታት ትግራይን ድሕሪ ናይ ሰለስተ ሰሙን ስሩዕ ውግእ ከልቅቖ ዝኸኣለ።

ይኹን እምበር ህወሓት ናብ ደባይ ስልታዊ ውግእ ስለዝኣተወት እቲ ግጭት ዝተናውሐን ቀጻልን ኰይኑ።

ፈደራላዊ መንግስቲ  ኢትዮጵያ ምስቲ ናይ ሽዑ ግዝያዊ ምምሕዳር ትግራይ ብሓባር ኮይኑ ቶኹሲ ደው ኣቢሉን ሓይልታቱ ካብ ቡዙሓት ክፍልታት ትግራይ እዉን ኣውጽዩ እዩ።

ብድሕሪ እዚ ዕጡቓት ሓይሊታት ህወሓት ብቐጥታ እዮም ርእሰ ከተማ ክልል ትግራይ መቐለን ካልኦት ቦታታትን ተቖጻጺሮመን።

ዝኾነ ኾይኑ እቲ ውግእ ኣብዚ ደው ኣይበለን ሓይልታት ህወሓት ናብ ጎረባብቲ ክልላት ዓፋርን ኣምሓራን እዮም ክግስግሱ ጀሚሮም። ቀጺሎም እዉን ናብ ኣዲስ ኣባባ ዝቐረባ ከተማታት ኣምሓራ ክቆጻጸሩ ኪኢሎም ነይሮም እዮም።

ይኹን እምበር ሰራዊት ኢትዮጵያ ምስ ካልኦት ሓይልታት ኮይኑ ብዝገበሮ መጥቃዕቲን ፀረ-መጥቃዕቲን ኣብ ወርሒ ሕዳርን ታሕሳስን ነተን ህወሓት ሒዛተን ዝነበራ ቦታታት ናይ ኣምሓራን ዓፋርን ዳግም  ክሕዘን ኪኢሉ እዩ።

ብ24 መጋቢት 2022 መንግስቲ ኢትዮጵያ ተፃብኦ ምስ ህወሓት ደው ኣቢለ ኣለኹ ኢሉ ኣዊጁ ህወሓት እዉን ከምዝተቐበልዎ በወግዒ ኣረጋጊጾም ነይሮም እዮም።

እቲ ዘተ ሰላም ኣብ ሞንጎ ህወሓትን ፈደራላዊ መንግስትን እዉን ብሳልሳይ ኣካል  ክቕጽል ፀኒሑ። ዉድብ ሓድነት ኣፍሪካ ን ኦባሳንጆ እዩ ነቲ ዘተ ሰላም ንኸሳልጦ መዚዝዎ። ኦባሳንጆ ናይ ዉድብ ሓድነት ኣፍሪካ ናይ ቀርኒ ኣፍሪካ ፍሉይ ልኡኽ ኮይኑ ዝሰርሕ ዘሎን ቅድም ኢሉ ኸኣ ናይ ናይጀርያ ፕረሲደንት ዝነበረን እዩ። ድሓር ግን ህወሓት ኦባሳንጆ ነቲ ዘተ ሰላም ኣብ ሞንጎ ህወሓትን ፈደራላዊ መንግስትን ንኸሳልጥ ብቕዓት ስለዘይብሉን  ዘይኣሻራዊ  ስለዘይኮነን ኢሎም ኣብ ኦባሳንጆ እምነት ከምዘይብሎም እዮም ገሊጾም።

ህወሓት ብ16 ነሓሰ 2022 ህወሓት እቲ ብመጋቢት ዝተኣወጀ ተፃብኦ ደው ናይ ምባል ኣዋጅ ፈደራላዊ መንግስቲ ብዝገበሮ ደብዳብ ከቢድ ብረት ከምዝጠሓሶ እዮም ኣፍሊጦም።

ህወሓት ብነሓሰ 24/2022 ፈደራላዊ መንግስቲ ኣብ ደቡባዊ ቦታታት ትግራይ መጥቃዕቲ ከም ዝፈጸመ ገሊጾም እዮም። ቅጽል ኣቢሎም እዉን እቲ ዋና ዕላማ ናይዚ መጥቃዕቲ እዚ ኣብ ምዕራባዊ ክፋል ትግራይ ተዛማዲ መጥቃዕቲ ንምኽፋት እዩ ኢሎም።

ፈደራላዊ መንግስቲ ብወገኑ ግን እቲ መጥቃዕቲ ህወሓት ከም ዝጀመርዎ እዩ ኣፍሊጡ።

ጽንሕ ኢሉ ከዓ ኣብ መቐለ ደብዳብ ነፈርቲ ይካየድ ከም ዘሎ ዝሕብሩ ዝተፈላለዩ ጸብጻባት ይወጹ ነይሮም እዮም። 

አብዚ እዋን እዚ እዩ እምበአር መቐለ ብድሮን ተደብዲባ ሓደ ቁልፊ ኣመራርሓ ህወሓት ከኣ ተቐቲሉ ክብል ሓደ ሰብ ኣብ ትዊተር ሓንቲ ምስሊ ዝጠቀዐ ማለት እዩ። 

ይኹን እምበር እዛ ምስሊ እዚኣ ነቲ ዝበሃል ዘሎ ዘረባ ፈጺማ ከምዘይተመላኽት ሓቂቸክ ኣረጋጊጽዎ ኣሎ። እዛ ምስሊ እዚኣ ካብ Netherlands Apache strike in Afghanistan እትብል ጽሕፍቲ ካብ ዘላታ ቪድዮ ተቐሪጻ ዝተወሰደት እያ። እዛ ቪድዮ እዚኣ ቅድሚ ዓሰርተ ዓመት እያ መጀመርታ ወጺኣ። 

ስለዚ ሓቂቸክ ነቲ ዝበሃል ዘሎ እማመ ሓሶት ኢልዎ ኣሎ። 

ሓሶት፡ እዚ ምስሊ ኣብ ቀረባ  ኣብ ግንባር ራያ ዝተማረኸ ኣጽዋር ምዃኑ ኣየርእን

ብ መስከረም 3/2022 ሓደ 120 ሺሕ ሰዓብቲ ዘለዉዎ ናይ ፋስቡክ ገጽ  ሓንቲ “ ኣብ ግምባር ራያ 430 ክላሽንኮቭን ካልኦት ኣጽዋርን ተማሪኹ” እትብል ጽሕፍቲ ዘላታ ምስሊ ሸር ኢሉዋ ነይሩ። 

እዛ ምስሊ አብ ዝተጠቅዐትሉ እዋን መዓት ግብረ መልሲ ረኺባ ነይራ ድሓር ከኣ ልዕሊ 150 ሰባት ተቐቢሎማን ኣዋዓዊዖማን ነይሮም እዮም። 

ይኹን እምበር ሓቂቸክ ነዛ ዝተጠቅዐት ምስሊ መርሚሩ ሓሶት ኢሉዋ ኣሎ።

ድሕሪ ናይ ኣዋርሕ ወጥሪ/ምትፍናን እዩ ኣብ ሞንጎ ህወሓትን ፈደራላዊ መንግስትን ብምሸት 3 ሕዳር 2020 ኲናት ዝተወልዐ።

ፈደራላዊ መንግስቲ ኢትዮጵያ ምስ መንግስቲ ኤርትራን ምስ ካልኦት ክልላዊ መንግስታትን ሓቢሩ እዩ ንህውሓት ካብ መቐለን ካልኦት ከተማታት ትግራይን ድሕሪ ናይ ሰለስተ ሰሙን ስሩዕ ውግእ ከልቅቖ ዝኸኣለ።

ይኹን እምበር ህወሓት ናብ ደባይ ስልታዊ ውግእ ስለዝኣተወት እቲ ግጭት ዝተናውሐን ቀጻልን ኰይኑ።

ፈደራላዊ መንግስቲ  ኢትዮጵያ ምስቲ ናይ ሽዑ ግዝያዊ ምምሕዳር ትግራይ ብሓባር ኮይኑ ቶኹሲ ደው ኣቢሉን ሓይልታቱ ካብ ቡዙሓት ክፍልታት ትግራይ እዉን ኣውጽዩ እዩ።

ብድሕሪ እዚ ዕጡቓት ሓይሊታት ህወሓት ብቐጥታ እዮም ርእሰ ከተማ ክልል ትግራይ መቐለን ካልኦት ቦታታትን ተቖጻጺሮመን።

ዝኾነ ኾይኑ እቲ ውግእ ኣብዚ ደው ኣይበለን ሓይልታት ህወሓት ናብ ጎረባብቲ ክልላት ዓፋርን ኣምሓራን እዮም ክግስግሱ ጀሚሮም። ቀጺሎም እዉን ናብ ኣዲስ ኣባባ ዝቐረባ ከተማታት ኣምሓራ ክቆጻጸሩ ኪኢሎም ነይሮም እዮም።

ይኹን እምበር ሰራዊት ኢትዮጵያ ምስ ካልኦት ሓይልታት ኮይኑ ብዝገበሮ መጥቃዕቲን ፀረ-መጥቃዕቲን ኣብ ወርሒ ሕዳርን ታሕሳስን ነተን ህወሓት ሒዛተን ዝነበራ ቦታታት ናይ ኣምሓራን ዓፋርን ዳግም  ክሕዘን ኪኢሉ እዩ።

ብ24 መጋቢት 2022 መንግስቲ ኢትዮጵያ ተፃብኦ ምስ ህወሓት ደው ኣቢለ ኣለኹ ኢሉ ኣዊጁ ህወሓት እዉን ከምዝተቐበልዎ በወግዒ ኣረጋጊጾም ነይሮም እዮም።

እቲ ዘተ ሰላም ኣብ ሞንጎ ህወሓትን ፈደራላዊ መንግስትን እዉን ብሳልሳይ ኣካል  ክቕጽል ፀኒሑ። ዉድብ ሓድነት ኣፍሪካ ን ኦባሳንጆ እዩ ነቲ ዘተ ሰላም ንኸሳልጦ መዚዝዎ። ኦባሳንጆ ናይ ዉድብ ሓድነት ኣፍሪካ ናይ ቀርኒ ኣፍሪካ ፍሉይ ልኡኽ ኮይኑ ዝሰርሕ ዘሎን ቅድም ኢሉ ኸኣ ናይ ናይጀርያ ፕረሲደንት ዝነበረን እዩ። ድሓር ግን ህወሓት ኦባሳንጆ ነቲ ዘተ ሰላም ኣብ ሞንጎ ህወሓትን ፈደራላዊ መንግስትን ንኸሳልጥ ብቕዓት ስለዘይብሉን  ዘይኣሻራዊ  ስለዘይኮነን ኢሎም ኣብ ኦባሳንጆ እምነት ከምዘይብሎም እዮም ገሊጾም።

ህወሓት ብ16 ነሓሰ 2022 ህወሓት እቲ ብመጋቢት ዝተኣወጀ ተፃብኦ ደው ናይ ምባል ኣዋጅ ፈደራላዊ መንግስቲ ብዝገበሮ ደብዳብ ከቢድ ብረት ከምዝጠሓሶ እዮም ኣፍሊጦም።

ህወሓት ብነሓሰ 24/2022 ፈደራላዊ መንግስቲ ኣብ ደቡባዊ ቦታታት ትግራይ መጥቃዕቲ ከም ዝፈጸመ ገሊጾም እዮም። ቅጽል ኣቢሎም እዉን እቲ ዋና ዕላማ ናይዚ መጥቃዕቲ እዚ ኣብ ምዕራባዊ ክፋል ትግራይ ተዛማዲ መጥቃዕቲ ንምኽፋት እዩ ኢሎም።

ፈደራላዊ መንግስቲ ብወገኑ ግን እቲ መጥቃዕቲ ህወሓት ከም ዝጀመርዎ እዩ ኣፍሊጡ።

ኣብዚ እዋን እዚ እያ  እምበኣር እዛ ኣብ ላዕሊ ዘላ ምስሊ ዝተጠቅዐት። 

ሓቂቸክ ብዝገበሮ ምርመራ ግን እዛ ምስሊ እዚኣ ለካቲት 2/2022  ኣማራ ሚድያ ኮርፖራሽን ካብ ዝሰርሖ ቪድዮ ዝተወስደት ስእሊ እያ። እዛ ቪድዮ ኣብ ዝወጸትሉ እዋን ብልዕሊ 150 ሺሕ ሰባት ተራእያ ነይራ እያ።

እታ ቐዳመይቲ ስእሊ ካብ መበል 23፡05 ደቒቓ ናይታ ቪድዮ ዝተወስደት እያ። 

እታ ካልኣይቲ ስእሊ ከኣ ካብ መበል 22:57 ደቒቓ ናይታ ቪድዮ ዝተወስደት እያ። 

እዛ ቪድዮ እዚኣ “ ሓይልታት ምክልኻልን ፈደራል ፖሊስን ኣብ ዝገበርዎ ስርሒት ኣንጻር ግብረ ራዕዲ ሸነ ልዕሊ ሚኢቲ ኣባላት ናይቲ ጉጅለ ተደምሲሶም ” ምስ እትብል ኣርእስተ ዘና እያ ወጺኣ ነይራ።

እዛ ቪድዮ ዝተማረኹ ኣባላት ናይቲ ጉጅለ እዉን ኣርእያ ነይራ እያ። 

ስለዚ እዛ ምስሊ እዚኣ ነቲ ዝበሃል ዘሎ ከምዘይተርኢ ሓቂቸክ ኣረጋጊጹ ኣሎ።   

ሓሶት፡ እዚ ቪድዮ ናይ ቀረባ ምሩኻት ወታደራት ህወሓት ኣየርእን

ብነሓሰ 24/2022 ኣብ ሞንጎ ህወሓትን ፈደራል መንግስትን ኩናት ዳግም ተወሊዑ ኣሎ። ነዚ ሲዒቡ ሓንቲ ምሩኻት ወታደራት ህወሓት እዮም እትብል ቪድዮ ኣብ ብዙሓት ኣብ ከም እኒ ብዓል ተለግራም ን ፋስቡክን ዝበላ ማሕበራዊ ሚድያ መሳለጥያታት ወጽያ ነይራ።

ኣብ ውሽጢ እቲ ቪድዮ ሓንቲ ጓል ኣንስተይቲ ኣላ። ሕዚ ነዚኣ ኣብቲ ብሸነኽ ግንባር ራያ ዝተወልዐ ውግእ ኢዳ ብፍቓዳ እዳ ሂባ ኢዩ ዝብል ዘሎ። ኣብ ብዙሓት ናይ ማሕበራዊ ሚድያ መሳለጥያታት ኣሽሓት ሪኦማን ኣሽሓት እዉን ተቐቢሎማን እዮም። 

ይኹን እምበር እዛ ቪድዮ እዚኣ ኣብቲ ኣብ ቀረባ ዝተወልዐ ኹናት ኢዳ ዝሃበት ወታደር ህወሓት ከምዘይኮነት ሓቂችክ ኣረጋጊጹ ኣሎ። እዛ ቪድዮ እዚኣ ናይ ቀደምን ብ ታሕሳስ 12/2021 ኣብ ፈስቡክ እዉን ተቐባቢሎማን ነይሮም እዮም። ስለዚ እቲ ዝበሃል ዘሎ ሓሶት እዩ።    

ድሕሪ ናይ ኣዋርሕ ወጥሪ/ምትፍናን እዩ ኣብ ሞንጎ ህወሓትን ፈደራላዊ መንግስትን ብምሸት 3 ሕዳር 2020 ኲናት ዝተወልዐ።

ፈደራላዊ መንግስቲ ኢትዮጵያ ምስ መንግስቲ ኤርትራን ምስ ካልኦት ክልላዊ መንግስታትን ሓቢሩ እዩ ንህውሓት ካብ መቐለን ካልኦት ከተማታት ትግራይን ድሕሪ ናይ ሰለስተ ሰሙን ስሩዕ ውግእ ከልቅቖ ዝኸኣለ።

ይኹን እምበር ህወሓት ናብ ደባይ ስልታዊ ውግእ ስለዝኣተወ እቲ ግጭት ዝተናውሐን ቀጻልን ኰይኑ።

ፈደራላዊ መንግስቲ  ኢትዮጵያ ምስቲ ናይ ሽዑ ግዝያዊ ምምሕዳር ትግራይ ብሓባር ኮይኑ ቶኹሲ ደው ኣቢሉን ሓይልታቱ ካብ ቡዙሓት ክፍልታት ትግራይ እዉን ኣውጽዩ እዩ።

ብድሕሪ እዚ ዕጡቓት ሓይሊታት ህወሓት ብቐጥታ እዮም ርእሰ ከተማ ክልል ትግራይ መቐለን ካልኦት ቦታታትን ተቖጻጺሮም።

ዝኾነ ኾይኑ እቲ ውግእ ኣብዚ ደው ኣይበለን ሓይልታት ህወሓት ናብ ጎረባብቲ ክልላት ዓፋርን ኣምሓራን እዮም ክግስግሱ ጀሚሮም። ቀጺሎም እዉን ናብ ኣዲስ ኣባባ ዝቐረባ ከተማታት ኣምሓራ ክቆጻጸሩ ኪኢሎም ነይሮም እዮም።

ይኹን እምበር ሰራዊት ኢትዮጵያ ምስ ካልኦት ሓይልታት ኮይኑ ብዝገበሮ መጥቃዕቲን ፀረ-መጥቃዕቲን ኣብ ወርሒ ሕዳርን ታሕሳስን ነተን ህወሓት ሒዛተን ዝነበራ ቦታታት ናይ ኣምሓራን ዓፋርን ዳግም ክሕዘን ኪኢሉ እዩ።

ብ24 መጋቢት 2022 መንግስቲ ኢትዮጵያ ተፃብኦ ምስ ህወሓት ደው ኣቢለ ኣለኹ ኢሉ ኣዊጁ ህወሓት እዉን ከምዝተቐበልዎ በወግዒ ኣረጋጊጾም ነይሮም እዮም።

እቲ ዘተ ሰላም ኣብ ሞንጎ ህወሓትን ፈደራላዊ መንግስትን እዉን ብሳልሳይ ኣካል  ክቕጽል ፀኒሑ። ድሓር ግን ህወሓት ኦባሳንጆ ነቲ ዘተ ሰላም ኣብ ሞንጎ ህወሓትን ፈደራላዊ መንግስትን ንኸሳልጥ ብቕዓት ስለዘይብሉን  ዘይወገናዊ ስለዘይኮነን ኢሎም ኣብ ኦባሳንጆ እምነት ከምዘይብሎም ገሊጾም።

ህወሓት ብ16 ነሓሰ 2022 ህወሓት እቲ ብመጋቢት ዝተኣወጀ ተፃብኦ ደው ናይ ምባል ኣዋጅ ፈደራላዊ መንግስቲ ብዝገበሮ ደብዳብ ከቢድ ብረት ከምዝጠሓሶ እዮም ኣፍሊጦም።

ህወሓት ብነሓሰ 24 2022 ፈደራላዊ መንግስቲ ኣብ ደቡባዊ ቦታታት ትግራይ መጥቃዕቲ ከም ዝፈጸመ ገሊጾም እዮም። ቅጽል ኣቢሎም እዉን እቲ ዋና ዕላማ ናይዚ መጥቃዕቲ እዚ ኣብ ምዕራባዊ ክፋል ትግራይ ተዛማዲ መጥቃዕቲ ንምኽፋት እዩ ኢሎም።

ፈደራላዊ መንግስቲ ብወገኑ ግን እቲ መጥቃዕቲ ህወሓት ከም ዝጀመርዎ እዩ ኣፍሊጡ። 

ኣብዚ ህሞት እዚ እያ እምበኣር እዛ ብፍቓዶም እዶም ዝሃቡ ወታደራት ህወሓት ዝብል ትሕዝቶ ዘለዋ ቪድዮ ዝተጠቅዐት። 

ሓቂችሀክ ብዝገበሮ መጽናዕቲ ግን እዛ ቪድዮ እዚኣ ናይ ቀደምን ነቲ ዝበሃል ዘሎ ዘይተመላኽትን ምዃና ኣረጋጊጹ ኣሎ። 

እታ ቪድዮ ቅድሚ ትሽዓተ ወርሒ ብታሕሳስ 12/2021 ኣብ ፌስቡክ ተቐባቢላ ነይራ እያ። ኣብ እግሪ እታ ቪድዮ ኢዶም ንሓይልታት ፈደራል ዝሃቡ ብሓይሊ ዝተዓስከሩ ወታደራት ህወሓት እትብል ጽሕፍቲ ኣላታ እያ። 

ስለዚ እዛ ቪድዮ እዚኣ ኣብቲ ኣብ ሞንጎ ህወሓትን ፈደራል መንግስትን ብነሓሰ 24/2022 ዳግም ዝተወልዐ ኩናት ዝተማረኹ ወታደራት ህወሓት ምዃኖም ስለይተርኢ ሓሶት ኢልዋ ኣሎ።

ሓሶት፡ እዚ ኣብ ታሕቲ ዘሎ ምስሊ ናብ ህወሓት ኣጽዋር ክተብፅሕ ብኢትዮጵያ ዝተሃርመት ኣውሮፕላን ኣየርእን

ኣብ ማሕበራዊ ሚድያ ኢትዮጵያ ናይ ህወሓት ኣጽዋር ዝሓዘት ኣውሮፕላን ከም ዝሃረመት ዝድግፉ ዝተፈላለዩ ምስልታት ለንቅነ ወጽየን ነይረን።

እዘን ምስልታት እዚአን ብብዝሒ ኣብ ፈስቡክ እየን ወጽየን ነይረን። ብዙሓት ውልቀ ሰባትን ፐጃትን እውን እናተቀባበሉ ኣወዓዊዖመን ነይሮም እዮም።

ሓቂቼክ ብዝገበሮ መፅናዕቲ ግን እዘን ክልተ ምስልታት ብኢትዮጵያ ዝተሃርመት ኣፅዋር ካብ ሱዳን ናብ ህውሓት እተጎዓዕዝ ዝነበረት ኣውሮፕላን ከም ዘየመላኽታ ኣረጋጊፁ ኣሎ።

እዛ ናይ መጀመርታ ስእሊ ሓደ ናይ ፈስቡክ ገጽ ብቛንቛ ትግርኛን ኢንግሊዝን ሓንቲ ኣጽዋር ተሰኪማ ካብ ሱዳን ናብ ህወሓት እትኸይድ ዝነብረት ብኢትዮጵያ ተሃሪማ ዝወደቐት ምስ እትብል ጽሕፍቲ እዩ ጠቂዑዋ።

እታ ካልኢቲ ስእሊ ከኣ ኢትዮጵያ ብታሪካዊት ጸላኢትና እትውነን ኣይሮፕላን ኣውዲቃ ትብል እዩ ኣብ ፈስቡክ ሓቲሙዋ ነይሩ።

ድሕሪ ናይ ኣዋርሕ ወጥሪ/ምትፍናን እዩ ኣብ ሞንጎ ህወሓትን ፈደራላዊ መንግስትን ብምሸት 3 ሕዳር 2020 ኲናት ዝተወልዐ።

ፈደራላዊ መንግስቲ ኢትዮጵያ ምስ መንግስቲ ኤርትራን ምስ ካልኦት ክልላዊ መንግስታትን ሓቢሩ እዩ ንህውሓት ካብ መቐለን ካልኦት ከተማታት ትግራይን ድሕሪ ናይ ሰለስተ ሰሙን ስሩዕ ውግእ ከልቅቖ ዝኸኣለ።

ይኹን እምበር ህወሓት ናብ ደባይ ስልታዊ ውግእ ስለዝኣተወ እቲ ግጭት ዝተናውሐን ቀጻልን ኰይኑ።

ፈደራላዊ መንግስቲ  ኢትዮጵያ ምስቲ ናይ ሽዑ ግዝያዊ ምምሕዳር ትግራይ ብሓባር ኮይኑ ቶኹሲ ደው ኣቢሉን ሓይልታቱ ካብ ቡዙሓት ክፍልታት ትግራይ እዉን ኣውጽዩ እዩ።

ብድሕሪ እዚ ዕጡቓት ሓይሊታት ህወሓት ብቐጥታ እዮም ርእሰ ከተማ ክልል ትግራይ መቐለን ካልኦት ቦታታትን ተቖጻጺሮም።

ዝኾነ ኾይኑ እቲ ውግእ ኣብዚ ደው ኣይበለን ሓይልታት ህወሓት ናብ ጎረባብቲ ክልላት ዓፋርን ኣምሓራን እዮም ክግስግሱ ጀሚሮም። ቀጺሎም እዉን ናብ ኣዲስ ኣባባ ዝቐረባ ከተማታት ኣምሓራ ክቆጻጸሩ ኪኢሎም ነይሮም እዮም።

ይኹን እምበር ሰራዊት ኢትዮጵያ ምስ ካልኦት ሓይልታት ኮይኑ ብዝገበሮ መጥቃዕቲን ፀረ-መጥቃዕቲ ኣብ ወርሒ ሕዳርን ታሕሳስን ነተን ህወሓት ሒዛተን ዝነበራ ቦታታት ናይ ኣምሓራን ዓፋርን ዳግም ክሕዘን ኪኢሉ እዩ።

ብ24 መጋቢት 2022 መንግስቲ ኢትዮጵያ ተፃብኦ ምስ ህወሓት ደው ኣቢለ ኣለኹ ኢሉ ኣዊጁ ህወሓት እዉን ከምዝተቐበልዎ በወግዒ ኣረጋጊጾም እዮም።

እቲ ዘተ ሰላም ኣብ ሞንጎ ህወሓትን ፈደራላዊ መንግስትን እዉን ብሳልሳይ ኣካል ክቕጽል ፀኒሑ። ውድብ ሕብረት ኣፍሪካ ነቲ ዘተ ሰላም ንምስላጥ ናይቲ ሕብረት ፍሉይ ልኡኽ ዝኾነ ኦሊሰጎን ኦባሳንጆ እዩ መዚዙዎ ዘሎ። ኦባሳንጆ ናይ ናይጀርያ ናይ ቀደም ፕረዚደንት እዩ ነይሩ። እቲ ዘተ ዕዉት ንኽኸውን ን ኣብ ክልቲኡ ወገን ንዘለዉ መራሕቲ ብተደጋጋሚ እዩ ረኺብዎም።

ድሓር ግን ህወሓት ኦባሳንጆ ነቲ ዘተ ሰላም ኣብ ሞንጎ ህወሓትን ፈደራላዊ መንግስትን ንኸሳልጥ ብቕዓት ስለዘይብሉን ዘይወገናዊ ስለዘይኮነን ኢሎም ኣብ ኦባሳንጆ እምነት ከምዘይብሎም ገሊጾም።

ህወሓት ብ16 ነሓሰ 2022 ህወሓት እቲ ብመጋቢት ዝተኣወጀ ተፃብኦ ደው ናይ ምባል ኣዋጅ ፈደራላዊ መንግስቲ ብዝገበሮ ደብዳብ ከቢድ ብረት ከምዝጠሓሶ እዮም ኣፍሊጦም።

ህወሓት ብነሓሰ 24 2022 ፈደራላዊ መንግስቲ ኣብ ደቡባዊ ቦታታት ትግራይ መጥቃዕቲ ከም ዝፈጸመ ገሊጾም እዮም። ቅጽል ኣቢሎም እቲ ዋና ዕላማ ናይዚ መጥቃዕቲ እዚ ኣብ ምዕራባዊ ክፋል ትግራይ ተዛማዲ መጥቃዕቲ ንምኽፋት እዩ ኢሎም።

ፈደራላዊ መንግስቲ ብወገኑ ግን እቲ መጥቃዕቲ ህወሓት ከም ዝጀመርዎ እዩ ኣፍሊጡ። ቀጺሉ እዉን እቲ ፈደራላዊ መንግስቲ ሓንቲ ኣጽዋር ተሰኪማ ካብ ሱዳን ናብ ህወሓት እትኸድ ዝነበረት ኣውሮፕላን ከም ዝሃረመ ኣፍሊጡ ነይሩ።

ኣብዚ እዋን እዚ እዩ እምበኣር ኢትዮጵያ ሓንቲ ኣጽዋር ተሰኪማ ካብ ሱዳን ናብ ህወሓት እትኸድ ዝነበረት ኣውሮፕላን ከም ዝሃረመት ዘመላኽቱ ዝተፈላለዩ ምስልታት ኣብ ማሕበራዊ ሚድያ ክረኣዩ ዝጀመሩ።

ይኹን እምበር እዞም ምስልታት እዚኦም ነቲ መንግስቲ ኢትዮጵያ ናተይ ክሊ ኣየር ጢሒሳ ኣጽዋር ናብ ህወሓት ከተብጽሕ ወቒዐያ እትብላ ዘላ ኣውሮፕላን ከም ዘየመላኽቱ ሓቂቼክ ኣረጋጊጹ ኣሎ።

እታ ቀዳመቲ ምስሊ ኣብ ኣሜሪካ ክፍለ፡ግዝኣት ኣሪዞና ኣምራ ኣብ ዝበሃል ሽንጥሮ ዝተሓምሸሸት ኣውሮፕላን ምዃና ተረጋጊፁ ኣሎ።

እታ ካልኣይቲ ምስሊ ከኣ ናይ ዩዝበኪስታን ሚግ-29 ናይ ውግእ ኣየር ምዃና ኣቐዲማ ብጉንበት 4፡ 2020 ኣብ ትዊተር ተሓቲማ ነይራ እያ።

ስለዚ ሓቂቼክ እዘን ክልተ ምስልታት ነታ ትበሃል ዘላ ኣውሮፕላን ከምዘየርእያ ኣረጋጊጹ ኣሎ።

ሓሶት፡ እዚ ናይ ስክሪንሾት ሰነድ ኢትዮ 360ን ኢትዮ ፎረምን ምስ ህወሓት ምልዛቦም ሰበስልጣን ድሕነት ኤርትራ ከምዘቃልዑ ኣየረጋግፅን

ብዕለት 25 ግንቦት 2022 ኣብ ትዊተር ኢትዮ 360ን ኢትዮ ፎረምን ምስ ላዕለዎት መራሕቲ ህወሓት ብኢንተርነት ከምዝተዘራረቡን ብሓባር ክሰርሑ ከምዝተሰማምዑን ሰበስልጣን ሃገራዊ ድሕነት ኤርትራ ከምዘቃልዑ ዝገልፅ ሓበሬታ ተዘርጊሑ ኔሩ። እቲ ናይ ትዊተር ጥቃዕ እተን ማዕከናት ዜና ‘ኣጀንዳ ህወሓት’ የቃልሓ እየን ክብል ብተዘዋዋሪ መገዲ ይሕብር።

ነቲ ሓበሬታ ንምድጋፍ ድማ ብትግርኛ ዝተፃሕፈ ተመሳሳሊ ትርጉም ዘለዎ ፅሑፍ ስክሪንሾት ኣቕሪቡ እዩ።

ይኹን’ምበር እቲ ስክሪንሾት ‘ሰበስልጣን ሃገራዊ ድሕነት ኤርትራ ኢትዮ 360ን ኢትዮ ፎረምን ምስ ህወሓት ከምዝተላዘቡ ምቅለዖም’ ኣየረጋግፅን።

ካብ ሕዳር 2020 ጀሚሩ ኣብ መንጎ ፌደራላዊ መንግስቲን ህዝባዊ ወያነ ሓርነት ትግራይን/ህወሓት ዕጥቃዊ ጎንፂ እናተኻየደ ፀኒሑ እዩ። ድሒሩ’ውን ቅድሚ ሒደት ኣዋርሕ ብመንግስቲ ኢትዮጵያ ዝተኣወጀ በይናዊ ቶዂሲ ደው ናይ ምባል ተበግሶ ብህወሓት ተቐባልነት ረኺቡ ኔሩ።

ኣብ ቀረባ እዋን መንግስቲ ኢትዮጵያን ክልላዊ መንግስቲ ኣምሓራን ‘ዕጡቓት ጉጅለታት’ ንምሓዝን ዕጥቆም ንምምንዛዕን ወታደራዊ ወፍሪ ጀሚሮም ኔሮም።

እዚ ከምዚ ኢሉ እናሃለወ ኢትዮ 360ን ኢትዮ ፎረምን ብፍላይ ድሕሪ እቲ ምስ ህወሓት ዝተገብረ ኲናት ንመንግስቲ ኢትዮጵያን ገዛኢ ፓርቲ ብልፅግናን ክነቕፋ ፀኒሐን እየን።

ኣብን ብዝብል ዝፍለጥ ሃገራዊ ምንቅስቃስ ኣምሓራ ሃገራዊ ምንቅስቓስ ኣምሓራ ብ24 ግንቦት 2022 ኣብ ዘውፅኦ መግለፂ ኢትዮ 360 ምስ ህወሓት ብምሕባር ክልላዊ መንግስቲ ኣምሓራ ንምህውታት ይሰርሕ ኣሎ ኢሉ ከሲሱ ኔሩ።

ኢትዮ ፎረም ምስ ህወሓት ጥቡቕ ዝምድና ከምዘለዋ ዝገልፁ ዘይተረጋገፁ ሓበሬታታ ይወፁ ፀኒሖም እዮም። ካብዚ ሓሊፉ’ውን ኢትዮ ፎረም 1.8 ሚልዮም ብር ሓገዝ ካብ ህወሓት ከምዝረኸበት ተገሊፁ ኔሩ።

ኣብዚ ህሞት’ዚ እዩ እምበኣር እቲ ‘ሰበስልጣን [ሃገራዊ] ድሕነት ኤርትራ ኢትዮ 360ን ኢትዮ ፎረምን ምስህወሓት ተላዚበን፤ ምስ ህወሓት ክሰርሓ’ውን ተሰማሚዐን ኣቃሊዖም’ ዝብል ሓበሬታ ዝወፀ። እቲ ናይ ትዊተር ሓበሬታ ወሲኹ ድማ እተን ዝተጠቕሳ ሚድያታት ናይ ህወሓት ኣጀንዳ ተቐቢለን ኣብታ ሃገር ጎንፂን ዘይምርግጋእን ከነዓዕባ ምስምመዐን ይጠቅስ።

ሓቂቼክ ነቲ ስክሪንሾት ብምምርማር ካብ ብ23 ግንቦት 2022 ዝተፃሕፈ ናይ ፌስቡክ ሕታም ተቖሪፁ ዝተወስደ ምዃኑ ኣረጋጊፁ እዩ። እቲ ናይ ፌስቡክ ሕታም ‘ማእከል ምርምርን ስነዳን’ ኣብ ዝብል ናይ መርበብ ሓበሬታ ገፅ ተሓቲሙ ኔሩ። እቲ ናይ ፌስቡክ ገፅ ላዕለዎት መራሕቲ ህወሓት፣ ኢትዮ ፎረም፣ ኢትዮ 360ን ኣባላት ዲጂታል ወያነን ዝተሳተፉሉ ናይ ኢንተኔት ኣኼባ ከምዝተሳለጠ ካብ ምንጭታቱ ከምዝረኸበ ይገልፅ።

እቲ ነቲ ሓበሬታ ንፈለማ እዋን ዝዘርገሐ ናይ ፌስቡክ ገፅ፡ እቲ ሓበሬታ ካብ ምንጭታቱ ከምዝረኸቦ እምበር፡ ከምቲ ኣብ ድሒሩ ኣብ ትዊተር ዝተገልፀ ካብ ሰበስልጣን [ሃገራዊ] ድሕነት ኤርትራ ከምዝረኸቦ ኣይገልፅን። ካብዚ ብምብጋስ ድማ እቲ ናይ ትዊተር ሓበሬታ ከም መርትዖ ዘቕረቦ ናይ ስክሪንሾት ሰነድ ካብቲ ኣብ ፈለማ ኣብ ፌስቡክ ዝተገልፀ ኣይኮነን።በዚ ድማ ሓቂቼክ ነቲ ትዊት ሓሶት ኢልዎ ኣሎ።

መደናገሪ፡ ኣብዚ ቀረባ ኤርትራ ሰራዊታ ካብ ትግራይ ክትስሕብ ኣይተሰማመዐትን

ብሚያዝያ 18 መደናገሪ ናይ ፌስቡክ ሕታም ኣብዚ ቀረባ እዋን ኤርትራ ሰራዊታ ካብ ትግራይ ክትስሕብ ተሰማሚዓ ክብል ገሊፁ ኔሩ።

እቲ ሕታም ‘ናብ ናይ መወዳእታ መፈለምታ እናቐረብና ኢና፤ ንኦሮምያ ኢና ንቃለስ ንዝብሉ ሓይልታት ካብዚ ዝበለፀ ግዘ ኣይክመፅእን እዩ’ ብምባል ኣብ ትሕቲኡ ጥቃዕ ለጢፉ ኔሩ። ብዙሓት’ውን ነቲ ሕታም ተቐባቢሎሞን ግብረመልሲ ሂቦምን እዮም።

ግናኸ እቲ ኤርትራ ሰራዊታ ካብ ትግራይ ክትስሕብ ዝብል ናይ ሮይተርስ ዜና ናይ ዓሚ ምዃኑ ተረጋጊፁ እዩ።

=

ካብ ሕዳር 2020 ኣትሒዙ ኣብ መንጎ ህዝባዊ ወያነ ሓርነት ትግራይ (ህወሓት)ን ፌደራላዊ መንግስቲ ኢትዮጵያን ኲናት ቀፂሉ ኣሎ።

መንግስቲ ኤርትራ’ውን ነቲ ፌደራላዊ መንግስቲ ብምሕጋዝ ኣብ’ቲ ውግእ ኢዱ ኣእትዩ እዩ። ነዚ ስዒቡ ድማ ካብ ማሕበረሰብ ዓለም መንግስቲ ኤርትራ ሰራዊቱ ካብ ትግራይ ከውፅእ ፃውዒታት ተገይሮም ኔሮም። 

ኣብ ቀረባ እዋን መንግስቲ ኢትዮጵያን ህወሓትን ኣብ ሰብኣውነት ዘተኰረ ቶዂሲ ደው ናይ ምባል ሓድሕዳዊ ተበግሶ ወሲዶም እዮም። ካብ ሽዑ ድማ ዝተወሰነ ሬድኤት ናብ ትግራይ ከምዝኣተወ ተገሊፁ ኔሩ።

ኣብዚ ኩነታት’ዚ ኤርትራ ኣብዚ ቀረባ እዋን ሰራዊታ ካብ ትግራይ ከተውፅእ ተሰማሚዓ ዝብል መደናገሪ ናይ ፌስቡክ ሕታም ተዓዘብና። እቲ ሕታም ብቐጥታ ዘይኰነ ብተዘዋዋሪ ኤርትራ ወታደራታ ንምውፃእ ኣብዚ ቀረባ ከምዝተሰማምዐት ብምምሳል የደናግር።

እንተዀነ፡ እዚ ዜና እዚ ቅድሚ ዓመት ዝተፀብፀበ ሓበሬታ እዩ። እቲ ጥቃዕ ድማ ቅድሚ ዓመት ካብ ዝተሓተመ ናይ ሮይተርስ ዜና ዝተወስደ እዩ።

ብሚያዝያ 16፣ 2021፡ ኤርትራ ብመገዲ ኣምባሳደራ ኣቢላ ናን ባይቶ ፀጥታ ውድብ ሕቡራት ሃገራት ኣብዝለኣኸቶ ደብዳበ፡ ወታደራታ ኣብ ኢትዮጵያ ከምዘለዉ ብምግላፅ ካብ ትግራይ ክትስሕብ ምዃና’ውን ኣፍሊጣ ኔራ። እዚ ዜና’ውን ብሮይተርስ ተፀብፂቡ ኔሩ። ግናኸ እዚ ናይ ፌስቡክ ሕታም ነቲ ዓመት ዝሓለፎ ዜና ከምብሓዱሽ ብምቕራብ ሰባት ከደናግር ፈቲኑ እዩ።

ስለዚውን፡ ሓቂቼክ ነቲ ሕታም መደናገሪ ኢልዎ ኣሎ።

Exit mobile version